Harm Smeenge (1852-1935) (VaP1872)
Harm Smeenge - een gloepens belangriek man (Hassen, 25 mei 1852 - Hassen, 9 mei 1935 )
Hij is, as oprichter en eerste Drost, niet allennig belangriek veur ’t Landschap Drenth, maor ok zeer belangriek veur de (sociaole) ontwikkeling van de provinsie Drenthe.
Oprichting van ‘t Landschap
Harm Smeenge was in Hassen geboren in 1852. Hij gung, as 20 jaorige, rechten studeren in de Stad en weur in 1872 lid van Vindicat. In 1876 Op MF3 (bovenverdieping café restaurant De Pool op de hoek van de Ebbingestraat en de Grote Markt ) kwam op 20 nov 1876 een koppeltien drenthen bej mekaor en daor is oes ‘t Landschap op-ericht.
In 1877 weur hij de eerste drost (1877-1878). Laoter is hij benuumd tot erelid.
Dat hij ’t Landschap Drenth oprichtte lek argens niet zo vrumd. Hij had de Dreense zaok altied naobi'j ’t harte liggen. Hij hef veural op sociaal gebied veule veur Drenthe betiekend. Ze hadden ’t over hum as ‘Oeze Harm’. (Een uutdrokking die as de verbondenheid en de trots van het volk uutdrot.) In Möppelt waren ze bliede met Harm. Zo is der een groot monument an hum gewijd, onthuld in 1939.
De eig'narfden van 't Landschap Drenthe bint verscheiden keren bi'j 't monument west, de leste keer in 2023.
Hij har meer bijnaomen, zo wur e ok wel “Harm Sik” enuumd, nadat e in de eigen kring geld bi'j menare bracht had, um arme kelonisten op de heet ontginning ieder een sik (de koe van de armen) te kunnen geven.
Instellings en schoelen draogt (nog vandaog de dag) zien naome.
Harms (politieke) carrière
Harm promoveerde in 1877 tot doctor in ” ’t Romeins en Hedendaags Recht”. Hij gung an de slag in Hassen en laoter in Möppelt.
In Möppelt had e verschillende warkzaomheden: Griffier bij de rechtbank, Leroar an de Rieks HBS. En hij zat in de road van Möppelt
Haarm had een laange politieke loopbaon as liberaol veur de “Liberale Staatspartij”. Hij weur tweede kamerlid en daornao eerste kamerlid (vanaf 1919). Laoter is hij verhuusd naor Amsterdam.
Rond 1920 dreugen de leden van de Eerste Kamer van de Staoten-Generaol bi’j ceremoniële gelegenheden, zoas de opening van de Staoten-Generaol (Prinsjesdag), de traditionele zwarte amstkostuums met een generaol-steek (een driekaante hoed).
Harms steek die as e dreug toen as e an ’t wark was as lid van de Eerste Kamer. (Heurde bij de verzameling van Jans Brands)
Der is een poging daon um ien en aander te onderzuuken in’t archief in Hassen. Ze leut weten dat de pepieren van Harm Smeenge niet eerder bekeken mochten worden as vanaof 2050.
Harm Smeenge, de eerste drost van ’t Landschap Drenth, kwam in 1935 uut de tied in Hassen.